ინტერნეტში გავრცელებული ვიდეოს საფუძველზე, სადაც ყელგამოჭრილი ძაღლი ჩანს, შსს-მ მოკვლევა დაიწყო.
გავრცელებული ინფორმაციით, ძაღლს ყელზე დაზიანებები სოფელ ზვარეში სამშენებლო კომპანიაში დასაქმებულმა პირებმა მიაყენეს.
ადგილობრივი მცხოვრები „ლიბერალთან" საუბარში განმარტავს, რომ ძაღლი გადარჩა, რადგან იგი თავდამსხმელებს ხელიდან გამოსტაცეს.
„ძაღლი აგერ მომაკვდავი წევს, ყელი აქვს გამოჭრილი". - უთხრა „ლიბერალს" ზვარეს მცხოვრებმა, რომელიც ამავე კომპანიაში მუშაობს.
„ლიბერალმა" კომპანიის იურისტს დაუკავშირდა, რომელიც ამბობს, რომ კომპანიის მენეჯმენტში საქართველოში არ იმყოფება. მისი თქმით, კომპანიის ადიგილობრივ ოფისთან დაკავშირება ხაშურშია შესაძლებელი.
„ვერ მოგცემთ ნომერს. მენეჯმენტის ნახევარზე მეტმა ინგლისურიც არ იცის" - ამბობს იურისტი.
საქართველოს სისხლის სამართლის კოდექსის 259-ე მუხლით, ცხოველისადმი სასტიკი მოპყრობა, რამაც მისი დაღუპვა ან დასახიჩრება გამოიწვია, აგრეთვე ცხოველის წვალება, ისჯება ჯარიმით ან გამასწორებელი სამუშაოთი ვადით ერთ წლამდე. ამასთან, იგივე ქმედება, ჩადენილი: ა) ჯგუფურად; ბ) არაერთგზის; გ) მცირეწლოვნის თანდასწრებით, ისჯება ჯარიმით ან თავისუფლების აღკვეთით ვადით ორ წლამდე.