„კრწანისის“ სასწავლო ცენტრში მოკლული გიორგი შენგელიას მამამ დღეს შემთხვევის ადგილი დაათვალიერა. მან განაცხადა, რომ სამი კითხვა ჰქონდა და სამივეზე პასუხი მიიღო. აღნიშნავს, რომ სროლა მაშინ მოხდა, როცა მისი შვილი ტერიტორიიდან გარბოდა.
„დავათვალიერე ადგილი, სადაც შემთხვევა მოხდა. თავდაცვის სამინისტროს წარმომადგენლებმა ვითარებაში გამარკვიეს. რაც კითხვებიც მქონდა, პასუხები მივიღე. კონკრეტიკისგან თავს შევიკავებ და დაველოდები გამოძიების შედეგებს. სამი შეკითხვა მქონდა და სამივეზე მივიღე პასუხი. ფაქტია, ზურგიდან აქვს ნასროლი, ტერიტორიიდან მირბოდა და ზურგში მოხვდა ტყვია”. - განაცხადა რომან შენგელიამ.