ილიას სახელმწიფო უნივერსიტეტის ლექტორი, კარლო გოდოლაძე იტალიის ქალაქ პადუაში გუშინ, საღამოს გარდაცვლილი იპოვეს.  როგორც იტალიური მედია იუწყება, მისი ცხედარი მდინარემ გამორიყა. 
26 წლის კარლო გოდოლაძე Today.it-ის ცნობით, 20 ნოემბრის შემდეგ საცხოვრებელ ბინაში აღარ დაბრუნებულა, მისმა თანამობინადრეებმა ამის შესახებ რამდენიმე დღის წინ განაცხადეს. Today.it-ის ინფორმაციით, პოლიცია მიიჩნევს, რომ ეს იყო თვითმკვლელობა.

კარლო გოდოლაძის გარდაცვალების გამო, მწუხარებას გამოთქვამს ილიას სახელმწიფო უნივერსიტეტიც.
„ჩვენს გუნდს გამოაკლდა ერთ-ერთი საუკეთესო პროფესიონალი და მეგობარი. კარლო ილიას სახელმწიფო უნივერსიტეტის სამართლის სკოლის ლექტორი და კონსტიტუციური კვლევების ცენტრის მკვლევარი იყო. წვლილი, რომელიც მან სამართლის სკოლისა და ცეტრის წარმატებულ მუშაობაში შეიტანა, ძალიან დიდია.
დიდხანს გაგვყვება მოგონებები, რომლებიც ყველას გვაკავშირებს კარლოსთან.
გამოვხატავთ ჩვენს გულწრფელ მწუხარებას და სამძიმარს ვუცხადებთ კარლოს ოჯახს და მეგობრებს“