ერაყის არმია დაიძრა ქალაქ მოსულის ცენტრისკენ, სადაც აქამდე „ისლამური სახელმწიფოს“ მებრძოლები იყვნენ გამაგრებულნი. არმიის მეთაურის აბდულ ამირ რაშიდის თქმით, ერაყელი სამხედროები შევიდნენ სალამის ჰოსპიტალში, რომელიც 1.5 კილომეტრითაა დაშორებული ქალაქის ცენტრში მდებარე მდ. ტიგროსის ხიდიდან.
Reuters-ის ინფორმაციით, მოსულის მოსახლეობა ტელეფონით საუბრისას იმავეს ადასტურებს, მათი თქმით, ამჟამად ერაყის არმია მიიწევს მოსულის აღმოსავლეთისკენ და ბრძოლა არის ძალიან მძიმე. „ისლამური სახელმწიფოს“ მებრძოლები თვითმკვლელ ტერორისტებს უშვებენ ქალაქის ხიდებთან, რათა ააფეთქონ ისინი.
100 000 ერაყელი მებრძოლი, უსაფრთხოების ძალები, ქურთი და შიიტი მებრძოლები 17 ოქტომებრიდან იბრძვიან ქალაქ მოსულის გასათავისუფლებლად. ერაყის არმიას აშშ-ის საჰაერო ძალები უმაგრებს ზურგს.