საქართველოს ევროვნული ბანკის შეფასებით, აქციზის გადასახადის ზრდა გამოიწვევს ზოგიერთი საქონლისა და მომსახურების გაძვირებას, თუმცა აღნიშნულ ზრდას პირდაპირი გავლენა წლიური ინფლაციის მაჩვენებელზე მნიშვნელოვანი არ იქნება - შესაბამისი შეფასება 2017 წლის ბიუჯეტზე ეროვნული ბანკის მიერ პარლამენტის თავმჯდომარისადმი გაგზავნილ ცნობაშია გაკეთებული. 

„ამასთან, იმ შემთხვევაში, თუ აქციზური საქონლის გაძვირება გაზრდის ინფლაციის მოლოდინებს, ეროვნული ბანკი მოახდენს რეაგირებას და უზრუნველყოფს ინფლაციის შენარჩუნებას მიზნობრივ მაჩვენებელთან ახლოს" - ნათქვამია წერილში, რომელსაც ხელს ეროვნული ბანკის პრეზიდენტი კობა გვენეტაძე აწერს. 

ცნობაში ასევე ნათქვამია, რომ იმ დაშვებით, რომ საშუალოვადიან პერიოდში ბიუჯეტის დეფიციტი უბრუნდება მდგრად დონეს, 2017 წლის ბიუჯეტის საპროგნოზო დეფიციტი საშუალოვადიან პერიოდში ინფლაციის რისკებს არ ქმნის, თუმცა, ვალის მდგრადობის და ფისკალური სტაბილურობის უზრუნველსაყოფად, აუცილებელია, რომ მომდევნო წლებში არ მოხდეს ფისკალური კონსოლიდაციის წარმოდგენილი გეგმიდან გადახვევა. 

„2017 წლის სახელმწიფო ბიუჯეტის დეფიციტი 1, 315 მლნ ლარს შეადგენს. ნაერთი ბიუჯეტის დეფიციტი 2017 წელს მშპ-ს საპროგნოზო ოდენობის 4,1%-ზეა დაგეგმილი. წარმოდგენილი ბნიუჯეტის პროექტი ითვალისწინების ბიუჯეტის დეფიციტის ეტაპობრივ შემცირებას 2020 წლისთვის 2,5%-მდე" - თქვამია პარლამენტის თავმჯდომარისადმი გაგზავნი წერილში.