სამძებრო ოპერაცია რუსეთში, შავ ზღვაში გრძელდება. ოპერაციაში 3500 ადამიანია ჩართული. 25 დეკემბერს სოჭთან რუსეთის სამხედრო თვითმფრინავი ჩამოვარდა, თვითმფრინავის ბორტზე 91 ადამიანი იმყოფებოდა.
თვითმფრინავს - Tu-154-ს სირიაში სამხედროები, ცეკვისა და სიმღერის ანსამბლის წევრები, ასევე ცხრა ჟურნალისტი გადაჰყავდა. ისინი სირიაში დისლოცირებული რუსული ბაზისთვის ახალი წლის მილოცვას აპირებდნენ.
სამძებრო სამუშაოების შედეგად ნაპოვია 11 ადამიანის ცხედარი და თვითმფრინავის ფრაგმენტები.
