Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: LIBERALIMAGAZINE@GMAIL.COM Facebook: https://www.facebook.com/liberalimagazine
გაგზავნა
გაგზავნა

ადვოკატი: გაჩეჩილაძე დარბაზიდან უნდა გათავისუფლდეს, თუ გავითვალისწინებთ მის პიროვნებას

09 იანვარი, 2017 20:21

ამ წუთებში თბილისის საქალაქო სასამართლოში ლევან გაჩეჩილაძის შვილის, რატი გაჩეჩილაძის სასამართლო პროცესი მიმდინარეობს. მას ბრალად ტელეკომპანია "რუსთავი 2"-ის გენერალური დირექტორის, ნიკა გვარამის ცემა ედება. სასამართლო აღმკვეთი ღონისძიების ფორმაზე მსჯელობს.

პროკურატურა ამგვარ ღონისძიებად 5 000 ლარიან გირაოს ითხოვს, რასაც დაცვის მხარე "კატეგორიულად არ ეთანხმება".

"მოწმეებზე ზემოქმედების რისკი მინიმალურია. ეს გირაო, 5000 ლარის ოდენობით უკვე არის უსამართლო. ამაზე ნაკლები სანქცია არ შეიძლება  გვქონდეს? თუ ასეთ დროს ითხოვენ 5000 ლარს, აბა მინიმუმი როდის უნდა იქნას გამოყენებული? - კითხვას სვამს ადვოკატი.

მისი თქმით,  "რატის მიერ მიცემული ჩვენება არის წინაპირობა იმისა რომ იგი არ დაემალება გამოძიებას. ის დღეს აუცილებლად უნდა გათავისუფლდეს  დარბაზიდან მითუმეტეს თუ გავითვალისწინებთ მის პიროვნებას".

შეგახსენებთ, რომ ტელეკომპანია ”რუსთავი 2”-ის გენერალურ დირექტორს ნიკა გვარამიას ლევან გაჩეჩილაძის შვილი, რატი გაჩეჩილაძე ერთ-ერთ რესტორანში თავს დაესხა. ამის შესახებ ინფორმაცია თავად ნიკა გვარამიამ გაავრცელა. 


მოგვიანებით გვარამიაზე თავდასხმა თავად გაჩეჩილაძემ ასევე ფეისბუქზე აღიარა:

შინაგან საქმეთა სამინისტრომ გამოძიება საქართველოს სსკ-ს 126-ე მუხლის 1-ლი ნაწილით დაიწყო.

მუხლი ითალისწინებს  ცემას ან სხვაგვარ ძალადობას, რამაც დაზარალებულის ფიზიკური ან ფსიქიკური ტანჯვა გამოიწვია. აღნიშნული ქმედება ისჯება თავისუფლების შეზღუდვით ვადით ორ წლამდე ან თავისუფლების აღკვეთით ვადით ერთიდან სამ წლამდე.

კომენტარები

ამავე რუბრიკაში

29 მარტი
29 მარტი

ქუთაისში ქვეითად მოსიარულეს მანქანა დაეჯ ...

ქუთაისში ავტოსაგზაო შემთხვევის შედეგად ერთი ადამიანი გარდაიცვალა. ავტომობილი ქვეითად მოსიარულეს დაეჯახა.  შინ ...
29 მარტი
29 მარტი

„თავისუფალი გაკვეთილების“ საკონკურსო კომ ...

„თავისუფალი გაკვეთილების“ ახალ პროექტზე საკონკურსო განცხადებების მიღების ვადა 31 მარტს იწურება. უკვე დაკომპლ ...
29 მარტი
29 მარტი

GNCC: „სანტას თოვლის ბაბუამ წაასწრო! - ბ ...

საქართველოს კომუნიკაციების ეროვნულმა კომისიამ ა(ა)იპ „პარტნიორობა ადამიანის უფლებებისთვის“ განცხადების საფუძ ...
^