„გირჩის“ ხელმღვანელის ზურაბ ჯაფარიძის განცხადებით, ამ წუთებში „გირჩის“ ოფისში საგამოძიებო მოქმედებები მიმდინარეობს, რის გამოც მის გარდა ყველას დაატოვებინეს ოფისი.
ზურაბ ჯაფარიძის თქმით, ოფისში შსს-ს სამი წარმომადგენელი იმყოფება, რომლებმაც სასამართლოს განჩინება და ჩხრეკის უფლება წარმოადგინეს. მისი თქმით, საქმე აღძრულია სისხლის სამართლის კოდექსის 265 მუხლის პირველი ნაწილით.
„რატომ პირველი ნაწილით არ ვიცი, აშკარად მეორე და მესამე დავარღვიეთ, გვითხრეს რომ უნდა დაველოდოთ ექსპერტებს. გამოსაძიებელი არაფერი არ არის, რაც გავაკეთეთ არის საჯარო. ერთადერთი რაც უნდა დაადგინონ არის ის, ნამდვილად მარიხუანა არის თუ არა იმ ქოთნებში, რაც ნამდვილად ასეა და ამის დადგენასაც განსაკუთრებული ცონდა არ სჭირდება, შეუიარაღებელი თვალითაც სჩანს, რომ იქ მარიხუანაა დათესილი. არ ვიცი რას აპირებენ, ამბობენ რომ საგამოძიებო მოქმედებები უნდა ჩაატარონ და ყველას დაატოვებინეს ოფისი“,- განაცხადა ზურაბ ჯაფარიძემ.
