Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

სამადაშვილი: ვაგრძელებ საქმიანობას ენმ-ის საპარლამენტო ფრაქციაში

11 იანვარი, 2017 15:24

„ერთიანი ნაციონალური მოძრაობის“ წევრი სალომე სამადაშვილი განცხადებას ავრცელებს. მისი თქმით, ის ენმ-ის საპარლამენტო ფრაქციაში აგრძელებს საქმიანობას. 

„ძვირფასო მეგობრებო, მსურს დავაფიქსირო საკუთარი პოზიცია „ნაციონალურ მოძრაობაში“ მიმდინარე პროცესებთან დაკავშირებით:

მიმაჩნდა, რომ პარტიის ერთიანობის შენარჩუნება უმნიშვნელოვანესი ამოცანა იყო, რომელიც სამწუხაროდ განუხორციელებელი აღმოჩნდა. კატეგორიულად მიუღებლად მიმაჩნია ყოველგვარი საუბარი შეთქმულების თეორიებზე, რაც მხოლოდ ბიძინა ივანიშვილის ინტერესებში შედის.

რაც შეეხება ჩემს პირად გადაწყვეტილებას, ვთვლი, რომ რადგან ჩემი წარმომადგენლობითი უფლებამოსილება მიღებული მაქვს ერთიანი ნაციონალური მოძრაობის პარტიული სიით, დღეს სწორი იქნება ჩემი საპარლამენტო საქმიანობის გაგრძელება ამ პარტიის საპარლამენტო ფრაქციაში. ეს გადაწყვეტილება არ იყო მარტივი, რადგან ამ შიდა პარტიულ დაპირსპირებაში ორივე მხარეს არიან ადამიანები, რომლებთანაც მაკავშირებს მრავალი წლის მეგობრობა, ადამიანები, ვისთან ერთადაც განვლილი მაქვს ჩვენი ქვეყნის უახლეს ისტორიაში ურთულესი ბრძოლები თავისუფალი და ევროპული სახელმწიფოს შექმნის გზაზე.

ვაკეთებ იმ არჩევანს, რომელიც ამ ვითარებაში, ჩემი აზრით, უნდა გააკეთოს არჩეულმა პოლიტიკოსმა, პატივს ვცემ ჩვენი ამომრჩევლის ნებას, რომელმაც ხმა მომცა, როგორც ერთიანი ნაციონალური მოძრაობის პარტიის წარმომადგენელს. წარმატებას ვუსურვებ ყველას, ვინც სხვა არჩევანს აკეთებს დღეს და დარწმუნებული ვარ, რომ მომავალში კვლავ ერთად მოგვიწევს ბრძოლა ქართველი ხალხის უკეთესი მომავლისათვის“.- ნათქვამია ფეიბუქით გავრცელებულ განცხადებაში.

კომენტარები

ამავე რუბრიკაში

25 აპრილი
25 აპრილი

იაშვილის კლინიკის დირექტორი: მცირეწლოვან ...

იაშვილის კლინიკის დირექტორმა ივანე ჩხაიძემ ტელეკომპანია „იბერიის“ ეთერში განაცხადა, რომ მცირეწლოვანს ოპ ...
25 აპრილი
25 აპრილი

ნენეს დედა: ფრანგმა ექიმებმა გვითხრეს, ა ...

დღეს „რუსთავი 2“ იმ ბავშვის მშობელს ესაუბრა, რომელსაც 1 წლის წინ იაშვილის კლინიკის ექიმებმა ოპერაციის დროს&n ...
25 აპრილი
25 აპრილი

„დაშნაკცუტუნი“ მმართველი პარტიის კოალიცი ...

სომხური მედიის ცნობით, ნაციონალისტური პარტია „დაშნაკცუტუნი“ მმართველი გუნდის მიერ შექმნილ კოალიციას გამოეყო. ...
^