„ეროვნულ-დემოკრატიული ინსტიტუტის“ (NDI) 2016 წლის ნოემბრის კვლევის თანახმად, მოსახლეობის 45% ფიქრობს, რომ პარლამენტის წევრთან შეხვედრის დანიშვნას ვერ მოახერხებს. 36% ეთანხმება მოსაზრებას, რომ სურვილის შემთხვევაში შეხვედრის დანიშვნას ადვილად მოახერხებს, 19% კი ამბობს, რომ არ იცის.
მოსახლეობის 53%-ის აზრით, პარლამენტის შენობაში შესვლა ადვილი არ არის, 20%-ის აზრით - ადვილია, 28% კი ამბობს, რომ არ იცის.
კვლევის საველე სამუშაოები მოიცავს 4 ნოემბრიდან 4 დეკემბრამდე პერიოდს, საქართველოს მასშტაბით (ოკუპირებული ტერიტორიების გამოკლებით), 3,141 პირისპირ ინტერვიუს წარმომადგელობითი შერჩევის საფუძველზე.
NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო. კვლევაში საშუალო ცდომილების ზღვარი არის +/- 1,8%.