BBC-ის ინფორმაციით „ისლამურმა სახელმწიფომ“ პალმირაში ანტიკური რომაული ამფითეატრი ააფეთქა. ამის შესახებ ინფორმაციას სირიის მთავრობა ავრცელებს.
ახ. წ. მეორე საუკუნის რომაული თეატრის განადგურების შესახებ ინფორმაციას სირიის მედიაც ავრცელებს, მათი თქმით, თეატრის ფასადი განადგურებულია.
„ისლამური სახელმწიფოს“ მებრძოლებმა მანამდე იუნესკოს მსოფლიო მემკვიდრეობის სიაში შეტანილი სხვა მნიშვნელოვანი ძეგლებიც გაანადგურეს.
სირიის მთავრობამ დეკემბერში დაკარგა კონტროლი პალმირაზე.