დონალდ ტრამპი აშშ-ის 45-ე პრეზიდენტი გახდა. პრეზიდენტმა ბიბლიაზე დაიფიცა, რომ კონსტიტუციას დაიცავს და გაუფრთხილდება.
ფიცის დადების დროს მას თან ახლდა პირველი ლედი მელანია ტრამპი.
„დღეიდან ჩვენს მიწას ახალი ხედვა მართავს, დღეიდან მთავარი იქნება ამერიკა უპირველეს ყოვლისა! ამერიკა უპირველეს ყოვლისა!" - თქვა ტრამპმა.
ცერემონიალს ყოფილი პრეზიდენტები ჯორჯ ბუში და ბილ კლინტონიც ესწრებოდნენ. დამსწრეთა შორის იყო ჰილარი კლინტონიც, რომელიც ტრამპმა საპრეზიდენტო არჩევნებში დაამარცხა.
