საქართველოს მთავრობის განკარგულებით, საჰაერო ელექტროგადამცემი ხაზის „დერჩის“ სარეკონსტრუქციო სამუშაოების განხორციელებისთვის, „საქართველოს სახელმწიფო ელექტროსისტემას“ მიეცა უფლება, წყალტუბოში არსებულ მიწის ნაკვეთზე მოჭრას საქართველოს „წითელ ნუსხაში“ შეტანილი მცენარეების შემდეგი სახეობები:
ა) უთხოვარი – 22 ინდივიდი;
ბ) კაკლის ხე – 2 ინდივიდი;
გ) ჩვეულებრივი წაბლი – 68 ინდივიდი;
დ) იმერული მუხა – 3 ინდივიდი;
ე) კოლხური ბზა – 760 ინდივიდი.

განკარგულებით, „საქართველოს სახელმწიფო ელექტროსისტემა“ ვალდებულია,მოჭრილი მერქნული რესურსი, დაუკოტრავი სახით, სახეობების მიხედვით, დაასაწყობოს ეროვნული სატყეო სააგენტოს მიერ მითითებულ ტერიტორიაზე და გადასცეს მას მიღება-ჩაბარების აქტით.