გარემოს დაცვის სამინისტროს ინფორმაციით, ბორჯომ-ხარაგაულის ეროვნულ პარკში ბრაკონიერობის შემთხვევა მოხდა. ანტი-ბრაკონიერული ღონისძიების დროს, რეინჯერებმა სროლის ხმა გაიგეს და დევნის ოპერაციის შედეგად დაჭრილ შველს მიაკვლიეს.
"თოვლზე კვალის მიხედვით, შველი სავარაუდოდ ორმა პიროვნებამ ცეცხლსასროლი იარაღით დაჭრა. ბრაკონიერებმა ადგილიდან მიმალვა მოახერხეს. აღნიშნული პიროვნებების ვინაობა ამ დრომდე უცნობია. შემთხვევა ჩითახევის ტერიტორიაზე მოხდა. რეინჯერებმა შველი ბორჯომ-ხარაგაულის ეროვნული პარკის ადმინისტრაციაში გადმოიყვანეს. ცხოველს სამედიცინო დახმარება ვეტერინარმა აღმოუჩინა, " - ამბობენ გარემოს დაცვის სამინისტროში.
როგორც სამინისტროში ამბობენ, მიყენებული ჭრილობებისგან შველი მოკვდა.
