მაღალი იერარქიის სასულიერო პირის მოწამვლის მცდელობის საქმის კიდევ ერთი მოწმე ადვოკატი ირმა ჭკადუაა. ამის შესახებ ინფორმაცია ირმა ჭკადუამ „ლიბერალს“ დაუდასტურა.
შეკითხვაზე, არიან თუ არა საქმეში მასსა და ირაკლი მამალაძის გარდა სხვა მოწმეებიც, ჭკადუა პასუხობს, რომ მისი აზრით, საგამოძიებო უწყებას აღნიშნულ საქმეზე სხვა მოწმეებიც ჰყავს.
„გიდასტურებთ,რომ მე ვარ მოწმე ამ საქმეში და ამავე დროს დადებული მაქვს ხელწერილი საქმის დეტალების გაუხმაურებლობასთან დაკავშირებით. ჩემთვის ანგარიში არ ჩაუბარებიათ საგამოძიებო უწყებიდან, ჰყავთ თუ არა მოწმეები. ჩემი შინაგანი დამოკიდებულებითა და რწმენით ვფიქრობ, რომ მათ მოწმეები ალბათ ჰყავთ “.- განაცხადა ირმა ჭკადუამ.
როგორც ცნობილია, დეკანოზ გიორგი მამალაძის საქმის ერთ-ერთი მოწმე ჟურნალისტი ირაკლი მამალაძეა.
