„მოძრაობა თავისუფლებისთვის - ევროპული საქართველო" მთავარი პროკურორის პასუხისგების საკითხის დაყენებას ითხოვს. მათ განცხადებით, მთავარი პროკურორი ე.წ. „ციანიდის" საქმეზე გაკეთებული განცხადების გამო უნდა გადადგეს, რადგან ამ განცხადებამ ქვეყანა გაუგებრობაში შეიყვანა. დავით ბაქრაძემ ბრიფინგზე აღნიშნა, რომ „ეკლესიის თემა არ არის ის საკითხი, რომელიც პოლიტიკური აქტივობისთვის, ან პარტიებმა უნდა გამოიყენონ".
„ჩვენ ვაყენებთ საქართველოს მთავარი პროკურორის პასუხისმგებლობის საკითხს, როგორც იმ ადამიანის, რომლის გაუაზრებელმა განცხადებებმაც გამოიწვია შემდეგ მთელი კასკადი პოლიტიკური განცხადებების რომლებმაც ქვეყანა შეიყვანა ამ გაუგებრობაში. ჩვენ, როგორც საპარლამენტო უმცირესობა, ორშაბათიდან დაივწყებთ შესაბამის პროცედურებს, ხელმოწერების შეგროვებას მთავარი პროკურორის გადაყენების მოთხოვნით. მივმართავ არამხოლოდ უმცირესობის, არამედ უმრავლესობის იმ წევრებსაც, ვისთვისაც საღი აზრი, ქართული სახელმწიფო და ქართული ეკლესიის ავტორიტეტი უფრო წინ დგას, ვიდრე „ქართული ოცნების" პარტიული ლიდერები. მივმართავ მათაც, შემოგვიერთდნენ და ერთად მოვითხოვოთ მთავარი პროკურორის გადადგომა" - თქვა დათო ბაქრაძემ.
