24 წლის ქართველი ჩოგბურთელი ნიკოლოზ ბასილაშვილი მემფისის ტურნირის ფინალშია. მან ნახევარფინალში მსოფლიოს 103-ე ჩოგანი მიხაილ კუკუშკინი დაამარცხა.
შეხვედრა საათსა და 48 წუთს გაგრძრლდა. ბასილაშვილმა 5 ეისი შეასრულა. მან პირველი მოწოდების შემდეგ ქულების 75%, ხოლო მეორე მოწოდების შემდეგ, 63% მოიგო.
თუ ვინ გახდება მემფისის ტურნირის გამარჯვებული, ეს ხვალ ღამით, 01:00 საათზე გაირკვევა. ბასილაშვილს მეტოქე ადგილობრივი რაიან ჰარისონი იქნება.