თბილისის საკრებულოში ხანძრის შედეგად ფასადის უკანა მხარეს ჭერის ნაწილი დაიწვა.
ხანძარი მეხანძრე-მაშველებმა უკვე ჩააქრეს. მათი განმარტებით, ზარალი მინიმალურია.
„შემოვიდა შეტყობინება საკრებულოს შენობაში ხანძრის შესახებ - იწვოდა სასხვენო გადახურვა. დამწვარია დაახლოებით 25-30 კვ. მეტრი. ისტორიული შენობა გადარჩენილია, მინიმალური დანაკარგით. დაიწვა შეკიდული ჭერი - სასხვენო გადახურვა შენობის ფასადის უკანა მხარეს. უსაფრთხოების მიზნით მოხდა ევაკუირება" - უთხრა მაშველმა ჟურნალისტებს.
