მამა გიორგი მამალაძის ახალი ადვოკატის, მიხეილ რამიშვილის განცხადებით, მამალაძეს ოფიციალურად ბრალი პატრიარქის მდივან-რეფერანტის, შორენა თეთრუაშვილის მკვლელობის მცდელობაში ედება.

როგორც 1tv წერს, ადვოკატ მიხეილ რამიშვილს გაუთქმელობის დოკუმენტზე არ აქვს ხელი მოწერილი, შესაბამისად, მას საქმეზე ღიად საუბარი შეუძლია.
„საბრალდებულო დოკუმენტში მითითებულია შორენა თეთრუაშვილის მკვლელობის მცდელობა. ასევე, როდესაც მამა გიორგი დააკავეს, მისი ბარგი 6 საათისა და 40 წუთის დაგვიანებით მიიტანეს“. - განაცხადა ადვოკატმა, მიხეილ რამიშვილმა.

 ადვოკატის თქმით, მამა გიორგი მამალაძე ბრალს არ აღიარებს.