1 მარტს ფინეთში ერთნაირსქესიანი წყვილების ქორწინება ლეგალური გახდება.

Humans Right Watch-ის ინფორმაციით, ევროპის საბჭოს კომისარმა ადამიანის უფლებათა საკითხებში ნილს მუზნიეკსმა 21 თებერვალს განაცხადა, რომ საბჭოს წევრი 47 ქვეყენიდან 27-ში კანონმდებლობა ერთნაირსქესიანი წყვილების პარტნიორობის გარკვეულ იურიდიულ ფორმას ითვალისწინებს, მათ შორის არის 13 ქვეყანა, სადაც ერთნაირსქესიანი წყვილების ქორწინება დაშვებულია.

„სამწუხაროდ, ევროპის საბჭოს წევრ 20 ქვეყანაში ერთნაირსქესიანი წყვილების პარტნიორობას კანონმდებლობა ჯერაც არ აღიარებს, მიუხედავად ადამიანის უფლებათა ევროპული სასამართლოს იურისპრუდენციისა.2015 წელს „ოლიერის საქმეში“ სასამართლომ დაადგინა, რომ იტალიამ ადამიანის უფლებათა ევროპული კონვენცია დაარღვია, განსაკუთრებით კი მე-8 მუხლი (ოჯახური ცხოვრების შესახებ) როცა ერთნაირსქესიანი წყვილებისთვის პარტნიორობა არ დააკანონა“ - ნათქვამია Human Rights Watch-ის განცხადებაში.

დასავლეთ ევროპის ქვეყნების უმეტეს ნაწილში ერთნაირსქესიანი წყვილებისთვის ქორწინება დაშვებულია. გამონაკლისია გერმანია, ავსტრია და შვეიცარია. თუმცა, საზოგადოებრივი აზრის კვლევები აჩვენებს, რომ ამ ქვეყნების მოსახლეობის უმეტესობა ქორწინების თანასწორობას მხარს უჭერს.

თავის განცხადებაში მუზნიეკი აღნიშნულ 20 ქვეყანას მოუწოდებს, რაიმე ფორმით კანონის დონეზე აღიაროს ერთნაირსქესიანი წყვილების უფლებები სულ მცირე პარტნირობის ინსტიტუტის დაკანონებით.

„ფინეთმა დისკრიმინაიის აღმოფხვრისკენ მნიშვნელოვანი ნაბიჯი გადადგა. მას ევროპის სხვა ქვეყნებმაც უნდა მიბაძონ“ - ნათქვამია HRW-ის განცხადებაში.