ბრიტანული აუდიო-ვიზუალური პროექტის THE KVB-ის კონცერტი, პროექტ „მუზამეს“ ფარგლებში, ხვალ, 25 თებერვალს, საკონცერტო დარბაზ SPACEHALL-ში გაიმართება.
THE KVB ბრიტანელი მუსიკოსის, Nicholas Wood-ის, იმავე Klaus Von Barrel-ის პროექტია, რომელიც მძიმე პოსტ-პანკსა და ინდუსტრიულ ჟღერადობას აერთიანებს. 2010 წელს პროექტს ვიზუალ არტისტი Kat Day შეუერთდა და 2012 წელს დუოს პირველი ალბომი Always Then გამოვიდა. 2013 წელს ლეიბლზე A Recordings მათი მეორე დისკი Minus One.
2015 წელს THE KVB-ით Portishead-ის წევრი, ჯეფ ბეროუ დაინტერესდა და მის ლეიბლზე Invada მორიგი ალბომი Mirror Being ჩაიწერა. 2015 წელს THE KVB ასევე მონაწილეობდა ტურნეში Psychic TV-სთან ერთად. 2016 წელს ბენდმა რიგით მეოთხე ალბომი Of Desire გამოუშვა, რომელიც მუსიკის კრიტიკოსებმა დადებითად შეაფასეს.
THE KVB-ისთან ერთად SPACEHALL-ის სცენას 2015 წლის ელექტრონავტის გამარჯვებულ Kozmana, Tete noise და VazhMarr დაიკავებენ. საკონცერტო ღამე 20:00 საათზე დაიწყება.
„მუზამემ“ უკვე დააანონსა რიგით მე-9 არტისტიც - არტ-პოპ ჯგუფის The Irrepressibles-ის კონცერტი 10 მარტს გაიმართება