ბუნებრივი აირის ფასზე ენერგეტიკის მარეგულირებელი კომისია იმსჯელებს. გავრცელებული ინფორმაციით, კომპანიები ტარიფის გადახედვას ლარის კურსის დაცემის გამო მოითხოვენ.
ენერგეტიკის მინისტრის, კახა კალაძემ „რუსთავი 2-თან“ განაცხადა, რომ შესაძლოა გაიზარდოს ტარიფი, რაც გამოწვეული იქნება ვალუტის კურსის ცვალებადობით, მაგრამ აღნიშნული საკითხი მარეგულირებელმა კომისიამ უნდა გადაწყვიტოს.
„მე არ ვამბობ, რომ ეს აუცილებლად იქნება, ამას მარეგულირებელი დაადგენს. გაზრდის შემთხვევაში, შესაძლებელია ვისაუბროთ მიზნობრივ სუბსიდიდრებაზე, როგორც ეს ელექტროენერგიაში გვაქვს,
თქვენ იცით, რომ ბუნებრივი აირი არის სრულად იმპორტირებული მეზობელი ქვეყნებიდან, ხდება უცხოურ ვალუტაში გადახდა, დოლარებში ხდება მისი გადახდა და საქართველოს მოსახლეობაში ეროვნულ ვალუტაში ხდება მისი გასაღება, ასე რომ, არის შესაძლებლობა იმისა, რომ ტარიფი გაიზარდოს, თუმცა, დაველოდოთ მარეგულირებელი კომისიის გადაწყვეტილებას და ეს მხოლოდ და მხოლოდ გამოწვეულია კურსის ცვალებადობით“.- განაცხადა კახა კალაძემ