ფინანსთა მინისტრის, დიმიტრი ქუმსიშვილის ინფორმაციით, გალარების პროგრამით 60 მილიონ დოლარზე მეტი ოდენობის სესხი გალარდა. მან გალარების პროგრამაში ჩართულ მოქალაქეებს მადლობა გადაუხადა. მისი თქმით, ამ პროგრამით 4 500 ოჯახი შემდგომი სავალუტო კურსის რყევებისგან დაზღვეულია.

„ამ პროგრამის შედეგად 60 მილიონი დოლარის პორტფელის გალარების შედეგი მივიღეთ. ეს იყო ერთჯერადი მხარდაჭერის აქცია სახელმწიფოს მხრიდან. ჩვენ ძალიან მოვინდომეთ და ამისთვის ყველაფერი გავაკეთეთ. მინდა, გამოვხატო მადლიერება ყველა იმ ოჯახის მიმართ, ვინც მიიღო ამ აქციაში მონაწილეობა. 4 500 ოჯახი, ამ პროგრამის შედეგად არის დაზღვეული შემდგომი სავალუტო კურსის რყევებისგან. გარდა ამისა, ცვლილებები, რომელიც შევიდა კანონმდებლობაში, დაეხმარება გალარების პროცესს. ეს არის ის ცვლილებები, რომელიც ითვალისწინებს 100 000 ლარამდე სესხების ლარში გაცემას“, - განაცხადა ქუმსიშვილმა. 

გალარების პროგრამა დღეს სრულდება.