11-12 მარტს ბათუმში განვითარებული მოვლენების გამო სისხლის სამართლის ბრალდებით დაკავებულ 9 პირს ორთვიანი წინასწარი პატიმრობა შეეფარდა.
მოსამართლის დავით მამისეიშვილის გადაწყვეტილებით, შოთა გორგაძეს, რევაზ ქერქაძეს, მურმან კონცელიძეს, მანუჩარ ფარტენაძეს, ზაზა გოგიტიძეს, აკაკი კვაჭაძეს, რამაზ დუმბაძეს, გიორგი გუბელაძესა და მერაბ მურვნიძეს წინასწარი პატიმრობა მიესაჯათ და მორიგი პროცესი 8 მაისს 14:00 საათზე ჩაინიშნა. პროკურორების თქმით, ძალადობრივ აქციაში მონაწილე პირებს პატიმრობა უნდა შეეფარდოთ.
