საქართველო პროკურატურამ ნარკოტიკული საშუალებების მომხმარებლების მიმართ სისხლის სამართლის პოლიტიკის ლიბერალიზაცია მოახდინა. - ამის შესახებ მთავარი პროკურორი ირაკლი შოთაძე საუბრობს.
„ჩვენ სტრატეგიაშიც გვიწერია, რომ ამ მიმართულებით ვაგრძელებთ მუშაობას და გარკვეული ნაბიჯები გადადგმასაც ვაპირებთ. ასევე გვაქვს დაგეგმილი მთელი რიგი პრევენციული ღონისძიებება, რაც, ვფიქრობთ, ხელს შეუწყობს მსგავსი დანაშაულის შემცირებას.
ხოლო შეკითხვაზე, უნდა ისჯებოდეს თუ არა ნარკოტიკების მოხმარება პატიმრობით? - შოთაძე პასუხობს:
„მოხმარებისთვის არსებობს სისხლის სამართლის კოდექსი, სადაც განსაზღვრულია, კონკრეტული დანაშაულისთვის პირი რა სასჯელით უნდა ისჯებოდეს. შესაბამისად, ეს არის სისხლის სამართლის კოდექსით განსაზღვრული და არა ჩემი მოსაზრებებით".
საქართველოს პროკურატურაში ნარკოტიკულ დანაშაულთან დაკავშირებით ანგარიშის პრეზენტაცია მიმდინარეობს. შეხვედრას, მთავრობისა და პარლამენტის წევრები, საკონსტიტუციო სასამართლოს, სხვა ადგილობრივი ორგანიზაციებისა და აშშ-ის საელჩოს წარმომადგენლები ესწრებიან.