ყოფილი რუსი დეპუტატი დენის ვორონენკოვი კიევში სასტუმროსთან მოკლეს. 

Reuters-ის ინფორმაციით, ვორონენკოვი უკრაინის ყოფილი პრეზიდენტის, ვიკტორ იანუკოვიჩის საქმეში, რომელიც სახელმწიფო ღალატს ეხება, მთავარი მოწმე იყო. 

The Guardian-ის ინფორმაციით, ვორონენკოვსა და მის დაცვას თავს სასტუმროდან გამოსვლის დროს დაესხნენ. 

ვორონენკოვმა, რომელსაც ბრალს თაღლითობაში სდებდნენ, რუსეთი დატოვა და საცხოვრებლად უკრაინაში გადავიდა. 

თვითმხილველები ამბობენ, რომ სასტუმროსთან გასროლის ხმა 7-ჯერ გაისმა. 

ადგილობრივ მედიასთან საუბრისას კიევის პოლიციის დეპარტამენტის უფროსი ამბობს, რომ დიდი ალბათობით, მკვლელობა შეკვეთილი იყო.

პრეზიდენტმა პოროშენკომ მომხდარს რუსეთის მხრიდან „სახელმწიფო ტერორიზმი" უწოდა. მისი თქმით, ეს მკვლელობა „რუსეთის სპეცსამსახურების ხელწერაა".

რუსეთი ბრალდებებს „აბსურდულს" უწოდებს.