„კორუფცია მომავალს გვართმევს“, „პრემიერ-მინისტრმა პასუხი უნდა აგოს!“, „რუსეთი პუტინის გარეშე!“ - ამ ლოზუნგებით მთელი რუსეთის მასშტაბით ანტიკორუფციული საპროტესტო აქციები მიმდინარეობდა. ადგილობრივი პოლიციის განცხადებით, გუშინ საღამოს დაკავებული მოქალაქეების რიცხვი 500-მდე გაიზარდა.

რუსეთში ადამიანის უფლებებზე მომუშავე ორგანიზაცია OVD Info-ს წარმომადგენელმა Reuters-ს განუცხადა, რომ დაკავებულთა რაოდენობა დაახლოებით 600-ია.

გუშინ დააკავეს ოპოზიციის ერთ-ერთი ლიდერი და აქციების ორგანიზატორი ალექსეი ნავალნიც.

მას შემდეგ, რაც აქციის მონაწილეები ნავალნის დაკავებისას პოლიციას წინააღმდეგობას უწევდნენ, დაკავების შემდეგ ოპოზიციის ლიდერმა ტვიტერით მოქალაქეებს დემონსტრაციის გაგრძელებისკენ მოუწოდა.

„მეგობრებო, მე კარგად ვარ. ჩემს გამოსაშვებად ბრძოლა საჭირო არ არის. გზა გააგრძელეთ. ჩვენი დღის მთავარი საკითხი კორუფციის წინააღმდეგ ბრძოლაა“, - განაცხადა ნავალნიმ