ზუგდიდის მუნიციპალიტეტის საკრებულოს ახალი თავმჯდომარე ჰყავს. დღეს დეპუტატთა ხმების უმრავლესობით საკრებულოს თავმჯდომარის პოზიციაზე პირველად აირჩიეს ქალი. ნატალია შეროზიას კანდიდატურას საკრებულოს 11 წევრმა დაუჭირა მხარი, ორი წინააღმდეგი იყო.
როგორც ზუგდიდის მუნიციპალიტეტში „ლიბერალს“ უთხრეს, ზუგდიდის საკრებულოს პირველად ჰყავს ქალი თავჯდომარე.
ნატალია შეროზია 2014 წლის თვითმმართველობის არჩევნებიდან დღემდე საკრებულოს წევრი და ჯანდაცვის და სოციალურ საკითხთა კომისიის ხელმძღვანელი იყო. ის საკრებულოში „ქართული ოცნების“ პარტიული სიით მოხვდა. მანამდე საკრებულოს თავმჯდომარე მერაბ ქვარაია იყო.
