CHECK IN GEORGIA-ს პროექტის ფარგლებში, ფესტივალ GEM-FEST-ში მონაწილეობის მიზნით მოწვეულ არტისტებს ჯამში 741 360 ევროს გადაუხდიან. აღნიშნულის შესახებ ხელშეკრულება 20 მარტს შპს „ბლექ სი არენა ჯორჯიასა" და კომპანაია Pet Plus doo-ს შორის გაფორმდა.
GEM-FEST-ში მონაწილეობის მიზნით მოწვეულები არიან შემდეგი არტისტები: Paul Kalkbrenner, Solomun, Martin Garrix, Axwell & Ingrosso, Sander Van Doorn, Sunnery James & Ryan Marciano, Dubfire, Carlo Lio, Roger Sanchez და Dennis Ferrer.
ხელშეკრულების მიხედვით, ფესტივალის ფარგლებში ყველაზე დიდ ჰონორარს Martin Garrix მიიღებს. ის საათნახევრიან გამოსვლაში 227 660 ევროს მიიღებს.
ღონისძიება Check in Georgia-ს ფარგლებში ანაკლია-განმუხურის საკურორტო ზონის ბულვარში, საფესტივალო ტერიტორიაზე გაიმართება.
