კალიფორნიის უნივერსიტეტის მეცნიერებმა სისხლის ტესტირების ახალი მეთოდი შეიმუშავეს, რომელიც არა მხოლოდ პოულობს კიბოს უჯრედებს, არამედ სხეულში მათ მდებარეობასაც ადგენს.
The Telegraph-ის ინფორმაციით, დიაგნოსტიკის ახალმა მეთოდმა შესაძლოა, ექიმებს საშუალება მისცეს, კიბო გაცილებით ადრეულ ეტაპზე აღმოაჩინონ, სანამ ის კვანძების სახეს მიიღებს.
მეცნიერებმა აღმოაჩინეს, რომ კიბოს უჯრედები, რომლებიც სხეულის სხვადასხვა ნაწილში ჩნდება, ტოვებს კვალს, რომელსაც კომპიუტერი პოულობს.
„ჩარევის გარეშე კიბოს დიაგნოსტირება მნიშვნელოვანია, რამდენადაც იგი კიბოს ადრეულ ეტაპზე აღმოჩენის საშუალებას იძლევა. რაც უფრო ადრე აღმოვაჩენთ, პაციენტს მისი დამარცხების მეტი შესაძლებლობა აქვს" - ამბობს კალიფორნიის უნივერსიტეტის პროფესორი ჯასმინ ზოუ.
მისი თქმით, კიბოს აღმოჩენა და მისი ტიპის დადგენა სისხლის ნიმუშის გამოყენებით არის შესაძლებელი.
ახალი მეთოდი ღვიძლის კიბოს მქონე 29 პაციენტზე, ფილტვის კიბოს მქონე 12 პაციენტსა და მკერდის კიბოს მქონე 5 პაციენტზე 10-ჯერ შეამოწმეს. 10-დან 8 შემთხვევაში ტესტმა კიბოს იდენტიფიცირება სწორად შეძლო, არასწორი დადებით დიაგნოზი კი მხოლოდ 100-დან ერთ შემთხვევაში იყო.
