ორგანიზაცია "ფლანგვის დეტექტორის" მიერ გამოთხოვილი ინფორმაციით, 2017 წლის 13 იანვარს, სამგორის რაიონის გამგეობამ 20 572 ლარი გამოყო ივერიის ღვთისმშობლის ხატის სახელობის ეკლესიის ეზოში, მოსანათლი კუთხის მოსაწყობად.
"ფლანგვის დეტექორის" მიერ თბილისის მერიიდან გამოთხოვილი ოფიციალური დოკუმენტის საფუძველზე ირკვევა, რომ 2017 წლის 1 იანვრიდან დღემდე, სამგორის რაიონის გამგეობას, სხვადახვა მართლმადიდებელი ეკლესიისთვის ჯამში 145 262 ლარი აქვს გადაცემული. თანხა სულ 9 ჯერ გამოყო, საიდანაც ხუთის მიზეზი ეკლესიის მშენებლობა იყო.
"ფლანგვის დეტექტორი" არის არასამთავრობო ორგანიზაცია "მმართველობის მონიტორინგის ცენტრის" მედიაპროექტი, რომლის ძირითად მიზანსაც საბიუჯეტო ორგანიზაციების ხარჯების მონიტორინგი და მიზნობრიობის დადგენა წარმოადგენს.
