ჩრდილო კორეა რეგიონში აშშ-ს საზღვაო იერიშის ჯგუფის განთავსებას ეხმაურება და აცხადებს, რომ „ამ წარმოუდგენელ აგრესიას" ნებისმიერი გზით უპასუხებს.
ჩრდილო კორეის ოფიციალურმა პირებმა CNN-ს განუცხადეს, რომ „ამჟამინდელი დაძაბული სიტუაცია" ამართლებს „თავდაცვისა და უპირატესი თავდასხმის მზადყოფნის ზომებს, რასაც ზურგს ბირთვული ძალა უმაგრებს".
„ჩვენ აშშ-ს ვაკისრებთ პასუხისმგებლობას იმ კატასტროფული შედეგებისთვის, რომლებიც შესაძლოა მის აღმაშფოთებელ ქმედებებს მოჰყვეს" - ნათქვამია ჩრდილო კორეის განცხადებაში.
გასულ კვირას ჩრდილო კორეის მიერ ყუმბარების გამოცდის შემდეგ, პენტაგონმა 97 000-ტონიანი საზღვაო ხომალდი და ორი გამანადგურებელი გაგზავნა.
ტრამპის მიერ Twitter-ზე გაკეთებულ განცხადებაში ნათქვამია, რომ მან ჩინეთის პრეზიდენტს განუმარტა, თუ რამდენად უკეთესი იქნება ჩინეთისთვის აშშ-სთან ვაჭრობის შეთავაზება, თუკი ისინი ჩრდილო კორეასთან პრობლემას მოაგვარებენ.
„ჩრდილო კორეა პრობლემებს ეძებეს. თუკი ჩინეთი გადაწყვეტს დახმარებას, კარგი იქნება. თუკი არა - პრობლემას მათ გარეშე მოვაგვარებთ. აშშ" - წერს ტრამპი.
აშშ-ს მიერ გაგზავნილი ხომალდის ბორტზე 5 000 ჯარისკაცი და 60 თვითმფრინავია. მას ანტისარაკეტო სისტემა იცავს.