„საზოგადოებრივმა მაუწყებელმა“ მე-3 კორპუსის რეკონსტრუქციისა და კორპუსის მიმდებარედ ახალი ნიუსრუმის შენობის პროექტირების მენეჯმენტთან დაკავშირებული კონსულტაციებისა და მომსახურებების ტენდერი გამოაცხადა. სახელმწიფო შესყიდვების ვებგვერდის მიხედვით, შესყიდვის სავარაუდო ღირებულება 80 000 ლარია.

სატენდერო მოთხოვნების მიხედვით, მიმწოდებელმა მომსახურება უნდა უზრუნველყოს სამ ეტაპად:

დოკუმენტაციის თანახმად, მიმწოდებელმა დეტალურად უნდა შეისწავლოს შემსყიდველის მოთხოვნები, გააანალიზოს და შემსყიდველთან შეთანხმებით, საკონკურსო დოკუმენტაცია შეადგინოს, რაც ითვალისწინებს - ტექნიკური დავალების, კონკურსის შეფასების კრიტერიუმების განსაზღვრას, კონკურსის სავარაუდო ღირებულების დადგენას და სხვა ტექნიკური და საკვალიფიკაციო მოთხოვნების განსაზღვრას, ასევე საკონკურსო დოკუმენტაციის შედგენის ეტაპზე სხვა რჩევა-რეკომენდაციების გაწევას.  

„მიმწოდებელმა საკონკურსო დოკუმენტაციის შედგენისას უნდა შეისწავლოს და დეტალურად გაწეროს „საზოგადოებრივ მაუწყებელის“ საქმიანობის სპეციფიკა, ტექნოლოგია და მშენებლობის საინჟინრო ნაწილი. შენობის ფართობის გათვალისწინებით მათი ოპტიმალურად განთავსებისთვის საჭირო სავარაუდო ფართობები, განლაგება ურთიერთდამოკიდებულებები და აღნიშნულის გათვალისწინებით საკონკურსო დოკუმენტაციის შედგენა. ასევე გასათვალისწინებელია ენერგოდამზოგავი ტექნოლოგიებით შენობის აღჭურვა და ავტომანქანის განთავსებისთვის საჭირო ავტოსადგომისა და კვების ობიექტის მოწყობა“, - წერია სატენდერო დოკუმენტაციაში.

აღნიშნულ ტენდერზე წინადადების მიღების ვადა დღეს მთავრდება. ამ ეტაპისთვის ტენდერში მონაწილეობაზე შეთავაზება ორმა კომპანიამ - შპს „ელემსიმ“ და შპს „სიემსიმ“ წარადგინა.