22-23 აპრილს საქართველოში სუმოისტთა ევროპის ჩემპიონატი გაიმართება, რომელშიც 13 ქვეყნის 290 სპორტსმენი მიიღებს მონაწილეობას. მათ შორის იქნება 14 ქართველი სპორტსმენიც. ამის შესახებ სპორტისა და ახალგაზრდობის საქმეთა მინისტრმა, ტარიელ ხეჩიკაშვილმა  და ევროპის სუმოს ფედერაციის პრეზიდენტმა, დარიუშ როზუმმა, დღეს სამინისტროში გამართულ შეხვედრაზე ისაუბრეს.

ევროპის ჩემპიონატს დიღომში მდებარე ძიუდოს აკადემია უმასპინძლებს. ტურნირის წინასწარი შეხვედრები დილის 09:00 საათიდან დაიწყება, 14:00 საათზე კი შედგება ჩემპიონატის ოფიციალური გახსნის ცერემონია.

სუმოში ევროპის ჩემპიონატი Check in Georgia-ს ფარგლებში ტარდება და ევროპირველობა 21/23-წლამდელებსა და უფროსებში, ვაჟთა და ქალთა შორის გაიმართება.