მეტრო „ახმეტელის თეატრთან“ გარემოვაჭრეები აქციას მართვენ. ისინი მეტროს მიმდებარე ტერიტორიიდან მათ გაყვანას აპროტესტებენ და ამბობენ, რომ მერიის მიერ შეთავაზებული ადგილები ბაზრობის ტერიტორიაზე მათთვის მისაღები არაა. როგორც აქციის მონაწილეები აცხადებენ, მათ დახლების დასამზადებლად ცალკე თანხა ექნებათ გადასახდელი, რისი საშუალებაც არ აქვთ. გარემოვაჭრეები გრძელვადიან შეღავათიან სესხებს ითხოვენ, წინააღმდეგ შემთხვევაში, საპროტესტო აქციების შეწყვეტას არ აპირებენ.
თბილისის მერიის ზედამხედველობის საქალაქო სამსახურის წარმომადგენლებმა გუშინ ღამით მეტროსადგურ „ახმეტელის თეატრის“ მიმდებარედ განთავსებული გარევაჭრობისთვის განკუთვნილი კონსტრუქციები გაიტანეს. აღნიშნული ტერიტორია თბილსერვის ჯგუფმა დაასუფთავა.