საზოგადოებრივი მაუწყებლის სამეურვეო საბჭოს მეორე ვადით ისევ გრიგოლ გოგელია უხელმძღვანელებს.
გუშინ გამართულ საბჭოს სხდომაზე მას ფარული კენჭისყრით საბჭოს ექვსმა წევრმა მხარი დაუჭირა, ხოლო ორმა თავი შეიკავა. „მოამბის“ ინფორმაციით, სხდომაზე კენჭი უყარეს სამეურვეო საბჭოს თავმჯდომარის მოადგილის კანდიდატურას და ამ თანამდებობაზე მარინა მუსხელიშვილი აირჩიეს. გრიგოლ გოგელიას საზოგადოებრივი მაუწყებლის სამეურვეო საბჭოს წევრობის ვადა 2018 წელს ეწურება.