ე.წ. ციანიდის საქმის არსებითი განხილვა დღეს იწყება.
საქმეს მოსამართლე ბესიკ ბუგიანიშვილი განიხილავს.
დღეს სხდომაზე მხარეები სასამართლოს წინაშე შესავალი სიტყვით წარდგებიან.
დეკანოზ გიორგი მამალაძის ადვოკატები ფიქრობენ, რომ შესაძლოა პროკურატურამ კვლავ პროცესის დახურვის შუამდგომლობა დააყენოს, თუმცა როგორც დაკავებული დეკანოზის, გიორგი მამალაძის ადვოკატი გიორგი ფანცულაია აცხადებს, დაცვის მხარეს მყარი არგუმენტები ექნება საიმისოდ, რათა მოსამართლემ პროცესის დახურვის შუამდგომლობა არ დააკმაყოფილოს.
