ევროკავშირის სპეციალური წარმომადგენელი სამხრეთ კავკასიასა და საქართველოს კრიზისების საკითხებში, ჰერბერტ ზალბერი ცხინვალში გაკეთებული განცხადების გამო, დღეს საგარეო უწყებაში დაიბარეს. შეხვედრის შემდეგ მან ჟურნალისტებს განუცხადა, რომ ევროკავშირი მხარს უჭერს საქართველოს ტერიტორიულ მთლიანობას და არ აღიარებს ცხინვალში გამართულ არჩევნებს.
„ევროკავშირი მხარს უჭერს საქართველოს ტერიტორიულ მთლიანობას, ჩვენთვის ეს უდავოა. მე, როგორც ევროპული კავშირის წარმომადგენელი, მხარს ვუჭერს ამას და ყველგან ხაზს ვუსვამ. რაც შეეხება არჩევნებს, სეპარატისტულ სამხრეთ ოსეთში, ევროკავშირი არ აღიარებს იმ ფორმას, რომლითაც ეს არჩევნები გაიმართა. მეც, ასევე, ამ პრინციპს ვუჭერ მხარს. ამავდროულად ევროკავშირი მოწოდებულია, რომ კონფლიქტის მშვიდობიან გადაწყვეტაში, თავისი წვლილი შეიტანოს და ეს არის მიზეზი იმისა, რომ ევროკავშირი და პირადად მე ჩართულნი ვართ ჟენევის მოლაპარაკებებში“,- განაცხდა ჰერბეტ ზალბერმა.
ზალბერი რამდენიმე დღის წინ სოხუმში იმყოფებოდა, მანამდე კი ცხინვალში გამართა შეხვედრები. გავრცელებული ინფორმაციით ზალბერი სამხრეთ ოსეთის ე.წ. პრეზიდენტ ანატოლი ბიბილოვს შეხვდა და თანამდებობის დაკავება მიულოცა.
