სურსათის ეროვნულმა სააგენტომ შემოწმების შედეგად გამოვლენილი დარღვევების გამო 63 ბიზნესოპერატორი დააჯარიმა, საწარმოო პროცესი კი 23 ბიზნესოპერატორს შეუჩერდა.

სურსათის ეროვნული სააგენტო 15-21 მაისის სახელმწიფო კონტროლის შედეგებს აქვეყნებს.

უწყების ცნობით, დოკუმენტურად შემოწმდა 295 ობიექტი (112 ბიზნესოპერატორი თბილისში),  მათ შორისაა საზოგადოებრივი კვების ობიექტები, ხორცისა და ხორცპროდუქტების, რძის, რძის პროდუქტების, თევზის, პურფუნთუშეულისა და სხვ. სურსათის  მწარმოებლები და სარეალიზაციო ობიექტები; საბავშვო ბაღისა და სკოლის ბუფეტები.

სურსათის ეროვნული სააგენტოს ინფორმაციით, მთელი ქვეყნის მასშტაბით ჩატარდა 226 ინსპექტირება, მათ შორის, თბილისში ინსპექტირებულია 79 ბიზნესოპერატორი;  ზედამხედველობა განხორციელდა 8 ბიზნესოპერატორთან.ლაბორატორიული კვლევისთვის აღებულია სურსათის 64 ნიმუში.

როგორც განცხადებაშია ნათქვამი, სურსათის უვნებლობის სახელმწიფო კონტროლი მთელი ქვეყნის მასშტაბით მიმდინარეობს. სურსათის ეროვნული სააგენტო შედეგებს პერიოდულად მიაწვდის საზოგადოებას.