ნატო-ს საპარლამენტო ასამბლეის ფარგლებში საქართველოს ევროატლანტიკური ინტეგრაციის მხარდამჭერ დეკლარაციას მიიღებენ, - ამის შესახებ პრემიერ-მინისტრმა, გიორგი კვირიკაშვილმა მთავრობის დღევანდელ სხდომაზე განაცხადა.
„ეს არის საგაზაფხულო სესია. ძალიან მნიშვნელოვანია, რომ ნატო-ს არაწევრ ქვეყანაში ასეთი ძალიან მაღალი დონის ფორუმი ტარდება. მივიღებთ საქართველოს ევროატლანტიკური ინტეგრაციის მხარდამჭერ დეკლარაციას და ვფიქრობთ, ჩვენი ქვეყნის საგარეო პოლიტიკური ვექტორის კიდევ ერთხელ მხარდაჭერისთვის ასეთი ღონისძიება უაღრესად მნიშვნელოვანია“, - განაცხადა კვირიკაშვილმა.
საქართველოში ნატო-ს საპარლამენტო ასამბლეა 26-29 მაისს გაიმართება.
