კონკრეტული ნაბიჯები გადავდგით იმისათვის, რომ თავდაცვის ბიუჯეტი აღჭრვულობაზე იყოს მიმართული - ამის შესახებ NATO-ს საპარლამენტო ასამბლეის სხდომაზე საქართველოს თავდაცვის მინისტრმა, ლევან იზორიამ განაცხადა. მისი თქმით, საქართველოს თავდაცვის ბიუჯეტი 20%-მდე უნდა გაიზარდოს.
„თუკი უწინ თავდაცვის ბიუჯეტი მხოლოდ 2% იყო, წელს ბიუჯეტი არის 6% - სამჯერ მეტი გახდა. მაგრამ ჩვენთვის სტრატეგიული ამოცანაა, მივუახლოვდეთ NATO-ს სტანდარტებს სამი წლის განმავლობაში და გავხადოთ აღჭურვილობის დაფინანსება 20%" - თქვა იზორიამ.
მან რეგიონში უსაფრთხოების უზრუნველყოფის მნიშვნელობაზეც ისაუბრა.
„ჩვენ, როგორც ერთ-ერთი მნიშნელოვანი ქვეყანა, რომელიც ძალიან მნიშნელოვან რეგიონშია განთავსებული, ყველაფერს ვაკეთებთ იმისთვის, რომ NATO-სთან ერთად განვსაზღვროთ პოლიტიკა, რომ ჩვენი რეგიონი იყოს უფრო უსაფრთხო და საფრთხეების შეკავების რელაური მექანიზმები იყოს უზრუნველყოფილი" - თქვა იზორიამ.
თბილისში NATO-ს საპარლამენტო ასამბლეის საგაზაფხულო სესია მიმდინარეობს.