საქართველოს სტატისტიკის ეროვნული სამსახური 2017 წლის პირველი კვარტალის პირდაპირი უცხოური ინვესტიციების წინასწარ მაჩვენებელს აქვეყნებს.
საქსტატის ინფორმაციით, საქართველოში პირდაპირი უცხოური ინვესტიციების მოცულობამ 2017 წლის I კვარტალში 403.3 ლნ. აშშ დოლარი შეადგინა, რაც 2016 წლის I კვარტალის წინასწარ მონაცემებზე 3.7%-ით მეტია.
ამავე პერიოდში უმსხვილესი პირდაპირი ინვესტორი ქვეყნების მიხედვით იყო აზერბაიჯანი 24.1%-ით, მეორე ადგილზე - თურქეთი 20.2%, ხოლო მესამე ადგილზე გაერთიანებული სამეფო - 19.8%-ით.
სამი უმსხვილესი სექტორის წილმა 2017 წლის I კვარტალში 74.6 % შეადგინა. ყველაზე მეტი პირდაპირი უცხოური ინვესტიცია ტრანსპორტისა და კავშირგაბმულობის სექტორში განხორციელდა და 141.1 მლნ. აშშ დოლარს მიაღწია, რაც მთლიანი პირდაპირი უცხოური ინვესტიციების 35.0%-ია. მეორე ადგილზე უძრავი ქონების სექტორი 80.3 მლნ. აშშ დოლარით, ხოლო მესამეზე - საფინანსო სექტორი 79.6 მლნ. აშშ დოლარით.