საქართველოს მთავრობის განკარგულებით, თბილისსა და გარდაბანში წითელ ნუსხაში შეტანილი ხეების მოჭრის ნებართვა გაიცა. 

განკარგულებაში აღნიშნულია, რომ ხეები თბილისი-წითელი ხიდის საავტომობილო გზის თბილისი-რუსთავის მონაკვეთის მოდერნიზაციისა და მშენებლობის პროექტის ფარგლებში უნდა მოჭრან. 

განკარგულებით, ნებართვა საქართველოს მუნიციპალური განვითარების ფონდს მიეცა, რათა მცენარეები ბუნებრივი გარემოდან სარეკონსტრუქციო გზის კორიდორის მონაკვეთებზე ამოიღოს.

ნებართვა გაიცა წითელ ნუსხაში შეტანილ შემდეგ სახეობებზე:

თბილისის მუნიციპალიტეტის ტერიტორიაზე:

ა.ა) პატარა თელადუმა – 13 ინდივიდი;
ა.ბ) კაკლის ხე – 77 ინდივიდი;

ბ) გარდაბნის მუნიციპალიტეტის ტერიტორიაზე:

ბ.ა) კაკლის ხე – 68 ინდივიდი;
ბ.ბ) პატარა თელადუმა – 58 ინდივიდი;
ბ.გ) ჭალის მუხა – 7 ინდივიდი.

განკარგულებით, მუნიციპალური განვითარების ფონდი ვალდებულია, მოჭრილი მერქნული რესურსი, დაუკოტრავი სახით, სახეობების მიხედვით, დაასაწყობოს სახელმწიფო ქონების ეროვნული სააგენტოს მიერ მითითებულ ტერიტორიაზე და გადასცეს მას მიღება-ჩაბარების აქტით.

ინფოგრაფიკა► მსხვერპლი ხეები წითელი ნუსხიდან