გუშინ ლონდონში, ფინსბერის პარკის მიმდებარე ტერიტორიაზე, მეჩეთიდან გამოსულ მლოცველებს მიკროავტობუსი დაეჯახა. ინციდენტს ერთი ადამიანი ემსხვერპლა, ათი კი დაშავდა. დაკავებულია 48 წლის მამაკაცი. პოლიციის თქმით, ამ ეტაპზე სხვა ეჭვმიტანილი არ არის
როგორც BBC იტყობინება, შინაგან საქმეთა მინისტრი, ემბერ რუდი აცხადებს, რომ პოლიცია მომხდარს ტერორისტულ აქტად განიხილავს. ადგილობრივი პოლიციის ინფორმაციით, ყველა მსხვერპლი მუსლიმანია.
ბრიტანეთის მუსლიმთა საბჭოს ხელმძღვანელი, ჰარუნ ხანი, ბოლო პერიოდში ბრიტანეთში ისლამოფობიასთან დაკავშირებული ინციდენტების გახშირებაზე მიუთითებს და ხელისუფლებას , უსაფრთხოების ზომების მიღებისკენ მოუწოდებს.
ფოტო: Agence France-Presse
