საზოგადოებრივი მაუწყებლის ახალი სეზონისთვის გადაცემების შესარჩევად გამოცხადებული კონკურსის მესამე ტურში გამარჯვებულების ვინაობა ცნობილია. კომისიის ერთ-ერთი წევრის ინფორმაციით, ახალი სეზონისთვის რამდენიმე გადაცემა შეირჩა. მათ შორის:
სოციალური თოქ-შოუ
"რეალური სივრცე"
კულტურულ-შემეცნებითი გადაცემა
გიორგი ასანიშვილი - „ნაცნობი მელოდიები“
კულტურის სიახლეების მიმოხილვა
თეონა ჯორბენაძე - „Modem/Art“
ჯანსაღი ცხოვრება
მარი მალაზონია -„პირადი ექიმი - მარი მალაზონია“
სოფლის მეურნეობა
თამარ ბოლქვაძე - "ფერმა"
საბავშვო შემეცნებითი გადაცემა
დალი ხოჯავა - "სუპერ გმირი"
თამარ ციციშვილი - „ხარ თუ არა მეხუთე კლასელზე ჭკვიანი?!“
ნინო კელაურიძე - "წიგნების თარო"
ნინო გოგოლაური "გურმანი"
სსიპ “საზოგადოებრივი მაუწყებლის“ 2017-2018 წლების საეთერო სეზონისთვის საეთერო ბადის განახლებასთან დაკავშირებით, გადაცემების შესარჩევად კონკურსი 2017 წლის 3 აპრილს გამოცხადდა, კონკურსის ფარგლებში სულ 153 პროექტი შემოვიდა, აქედან 37 მეორე ეტაპზე გადავიდა, მესამე ეტაპზე კი 15 პროექტი გადავიდა.
გადაცემები 12-კაციანმა კომისიამ შეარჩია, რომელსაც საზოგადოებრივი მაუწყებლის მედიაწარმოების ბლოკის დირექტორი პაატა ქურდაძე ხელმძღვანელობდა.
კომისიის შემადგენლობაში შედიან მოწვეული ექსპერტები: დრამატურგი - თამარ ბართაია, სოციოლოგი - იაგო კაჭკაჭიშვილი, მედიაკრიტიკოსი - დავით ბუხრიკიძე, სცენარისტი, რეჟისორი - სოფო ბაბლუანი.
აგრეთვე, საზოგადოებრივი მაუწყებლიდან:
თეო მაზმიშვილი- წარმოებისა და ტექნიკური უზრუნველყოფის ბლოკის დირექტორი.
რუსუდან მანჯგალაძე - სატელევიზიო არხების ხელმძღვანელი
კოტე ჯანდიერი - დოკუმენტური ფილმების სტუდიის ხელმძღვანელი
თემურ გოგოლაძე- წარმოების დეპარტამენტის უფროსი
კახაბერ ბუხრაშვილი - ვიზუალური გაფორმების სამსახურის უფროსი
რუსუდან ახვლედიანი- კვლევისა და ანალიტიკის სამსახურის სოციოლოგი
თამარ კაციტაძე - ონლაინ მედია ხელმძღვანელი