პოლონეთის პარლამენტის გადაწყვეტილებით ქვეყანაში საბჭოთა ძეგლების დემონტაჟი კანონმდებლობით დასაშვები გახდა.

დღეს პოლონეთის სეიმმა მხარი დაუჭირა „კომუნიზმის ან სხვა ტოტალიტარული წყობის პროპაგანდის შემცველი შენობებისა და ობიექტების აკრძალვის შესახებ“ კანონს.

Deutsche Welle-ს ცნობით, საბჭოთა ძეგლების დემონტაჟით პოლონეთის მთავრობას ტოტალიტარიზმისადმი საკუთარი დამოკიდებულების გამოხატვა სურს.

კანონპროექტს მხარი დაუჭირა 408 დეპუტატმა, წინაარმდეგი იყო 7, 15-მა თავი შეიკავა.

ინიციატივის ავტორთა თქმით, დასახელებული ობიექტების შენარჩუნება, რომლებიც იმ ადამიანების ხსოვნას ეძღვნება, ვინც ტრაგიკული დაღი დაასვეს პოლონეთის ისტორიას, ტოტალიტარიზმის მომხრეებს იმის ილუზიას უქმნით, რომ დასაშვებია თავიანთი შეხედულებების პოლონურ საზოგადოებისთვის თავსმოხვევა.

კანონის ფარგლებში პოლონეთში 470 სკულპტურულ-არქიტექტურული ობიექტის დემონტაჟი იგეგმება.