შს მინისტრის მოადგილის, შალვა ხუციშვილის ინფორმაციით, შესაძლოა, საზღვარგარეთ ორგანიზებული დანაშაულის წინააღდეგ საბრძოლველად ე.წ. ფარული პოლიციელები მომავალი წლიდან მიავლინონ.
ხუციშვილმა ამის შესახებ ინიციატივა დიპლომატებს „ამბასადორიალის“ ფარგლებში მიაწოდა. მისი თქმით, რამდენიმე ქვეყანა დაინტერესებულია „ფარული პოლიციელებით“. შს მინისტრის მოადგილის ინფორმაციით, აღმასრულებელ ხელისუფლებაში უკვე განიხილავენ კანონში დაგეგმილ ცვლილებებს.
„რამდენიმე ქვეყანას აქვს დაინტერესება ჩვენი მხრიდან ამ ტიპის მხარდაჭერით სარგებლობის თაობაზე. ვმუშაობთ ჩვენს კოლეგებთან, რადგან საჭიროა ტრენინგი, ამ ხალხის მომზადება. იმედი მაქვს, რომ მომავლი წლიდან გვექნება შესაძლებლობა იმისა, რომ იმ ქვეყნებში, სადაც მეტი საჭიროებაა და არის ორგანიზაბული დანაშაულის კუთხით პრობლემა, “ფარული პოლიციელები“ მივავლინოთ“, - განაცხადა შალვა ხუციშვილმა.
