გია კორკოტაშვილს სავარაუდო მუქარის ფაქტზე დღეს გამოკითხავენ,- ამის შესახებ „ლიბერალს“ შინაგან საქმეთა სამინისტროს პრესსამსახურმა განუცხადა.
საქმე თათია დოლიძის მიმართ სოციალური ქსელით სავარაუდო მუქარის ფაქტს ეხება. თავად დოლიძე გამოკითხვაზე უკვე იმყოფებოდა.
სავარაუდო მუქარის ფაქტზე გამოძიება სისხლის სამართლის კოდექსის 151-ე მუხლით დაიწყო, რაც მუქარას გულისხმობს და ისჯება ჯარიმით ან საზოგადოებისთვის სასარგებლო შრომით - ვადით 120-დან 180-მდე საათით ან გამასწორებელი სამუშაოთი - ვადით ერთ წლამდე, ან და თავისუფლების აღკვეთით - ვადით ერთ წლამდე.