19 წლის გოგოს მკვლელობაში ბრალდებულ ბიძაშვილს ბრალი დღეს წარუდგინეს. ამის შესახებ „ლიბერალს“ ბრალდებულის ადვოკატმა, ოლგა გეჯაძემ განუცხადა. გარდაცვლილის ბიძაშვილს ბრალად სისხლის სამართლის კოდექსის 108-ე მუხლით გათვალისწინებული დანაშაული, განზრახი მკვლელობა ედება. ადვოკატი არ საუბრობს იმაზე, აღიარა თუ არა მისი დაცვის ქვეშ მყოფმა დანაშაული.
გოგო საცხოვრებელ ბინაში გარდაცვლილი რამდენიმე დღის წინ იპოვეს. მეზობლების ინფორმაციით, მას ყელის არეში რამდენიმე დაზიანება აქვს მიყენებული. პოლიციელებმა გარდაცვლილის ბიძაშვილი იმავე საღამოს დააკავეს. სასამართლო მისთვის აღკვეთის ღონისძიების შეფარდებაზე დღეს ან ხვალ იმსჯელებს.