თბილისის მერობის დამოუკიდებელმა კანდიდატმა, ალექსანდრე ელისაშვილმა თავისი საარჩევნო გუნდის ორი წევრი წარადგინა. ელისაშვილის საარჩევნო შტაბის ხელმძღვანელი ვანო ნორაკიძე და საზოგადოებასთან, მედიასთან ურთიერთობის მენეჯერი ლაშა მესხი იქნებიან.
„ვანო არის კარგი იურისტი, კვალიფიციური ადამიანი. ჩვენ ერთად გვაქვს სამი წლის წინ საარჩევნო პერიოდი გავლილი, მაშინ ვანო იყო ჩემი საარჩევნო შტაბის წევრი, ჩვენ ერთად გვაქვს გამოცდილება როგორ უნდა გავიმარჯვოთ და იმავეს ვაპირებთ ახლაც. ჩემთვის დიდი პატივია, რომ სწორედ ის იქნება შტაბის ხელმძღვანელი. რაც შეეხება ლაშას, მას ძალიან კარგად იცნობენ ჟურნალისტები, ის არის წესიერი, კვალიფიციური და პროფესიონალი ადამიანი“,- განაცხადა ელისშვილმა პრეზენტაციაზე.
